電子琴

好開心,今日終於買到個電子琴,以後都可以留在家練琴,唔使限時限刻落會所練。雖然個琴係最cheap既,又無touch response (即彈鋼琴是需要力度,一般電子琴無論你彈大力細力都一樣大聲,而且琴鍵亦輕,但鋼琴則會隨你彈的力度而不同,現時有些電子琴有touch response,即和鋼琴一樣,手感亦一樣),我可以幾時練都得,最主要係練手指位同看譜.....

呢一部係我生平第二部琴,第一部係我小學時父母買俾我,大概係想補償我,因為小時侯我都學過琴,家裹無琴,所以媽咪會帶我出入琴行,學學下佢就懶得帶,我就從此同琴絕緣....後來就買左個琴俾我日彈夜彈,我重記得細個既時候個琴擺响床邊彈...而家呢個琴有成61鍵,要擺上餐桌上先彈到。

雖然個琴都只係一千蚊(d鋼琴有d貴到要成十萬蚊),但係我真係好開心~~~希望第日陀bb既時候我已經識彈多d歌,人地話彈多d歌俾bb聽,第日佢會多d天份喎!