唔驚唔覺已經廿一週嘞！唸返轉頭，其實過得好快！可能呢幾週開始d唔舒服已經好好多，所以感覺輕鬆左唔少，再無之前好down嘅感覺。而且小b郁得越黎越有力，每朝同佢玩係一種期待，之前成日唸咁辛苦，生第二個都要唸清楚d，宜家我就覺得咩都值得，辛苦都係有期限，小b踢多幾吓我已經唔記得之前有幾辛苦lur！呢排都有唸，好唔捨得小b出世，到時我就無得feel佢响我個肚入面轉身又好，游水又好，伸懶腰又好，真係出世就無哂呢d咁得意嘅感覺，係我同小b嘅私密時間！不過，又有時好期待佢出世之後，可以抱吓佢鍚吓佢摸吓佢，感覺好矛盾咁！
星期日晚報導有豬流感，老公星期一已經即買口罩同消毒紙，重叫我日日都要戴口罩返工，佢平時咩都好易擔心，今次咁大件事，佢真係好驚！第二日返工見無人戴口罩，我都無戴，怪怪咁！今日都係戴番，因為如果咁唔好彩中左，孕婦好似都唔可以食特敏福，小b又重咁細,，有咩事都唔可以攞佢出黎先，攪到我越唸越驚，都係乖乖戴口罩安心d！
沒有留言:
張貼留言