頭痛

唔知點解我成日都會頭痛，未有小b係咁，而家都係。不過以前痛我都可以食特效必理痛，一粒就攪掂，其他牌子都唔係咁見效。而家頭痛就唔可以隨便食藥，雖然我一早問定醫生攞左我食得嘅止痛藥，但係為左安全，我通常都堅持唔食，忍住忍住，瞓吓覺就好。近排我發覺成日都會頭痛，由以前一星期或兩星期一次，變成一星期一、兩次，更嚴重係呢個星期痛左好幾日，瞓左都唔好！食埋醫生開嘅藥都無咩效！可能其實係我實在瞓得好差，瞓左幾個鐘就醒，醒左又瞓唔番，就算瞓番都好醒，一係就勁發夢，瞓左就好似無瞓咁！可能係咁嘅原因，頭痛都無好過，好鬼痛！返工又無咩攪咁，悶到更加痛！今日都頂唔住sick leave，要休息吓！