我發燒了

今朝晨早五六點，喉嚨痛痛醒左，起身飲杯水再瞓過，七點幾又話要起身，真係好想唔返工，唉！返到公司，開頭都無咩野，係有少少喉嚨痛，到中午時份，開始有少少頭痛，我都知自己應該作病架喇，拿拿聲食左粒頭痛藥就去開會。開完會差唔多放工，以為都無咩事啦，點知返到屋企之後開始覺得肌肉痛，全身都無咩力咁，似乎真係要病。同完Ambrose玩陪佢瞓著再起身，硬係覺得好病，有d熱，攞起探熱針，原來我發燒呀，不過都唔係好高，實在好突然，放假先黎病，真係麻煩！食左藥，貼埋退熱貼就去瞓覺，希望快d好番，唔好浪費左兩日假期啦！