Crayon畫

今晚Ambrose要媽咪俾crayon佢畫畫，都好丫，唔使開壇畫水彩，媽咪都可以唔使睇得咁實！  

媽咪俾左張白畫紙俾Ambrose畫，佢起勢咁畫畫畫，力度真係好大，通常佢都可以油到好出色，只係亂畫一通，無咩內容可言，點都好，當俾佢練吓手力都唔錯！  

唔知Ambrose係咪對白色有僻好，佢第一隻識講嘅顏色係白色，重成日講！今晚佢用crayon塗鴉，又係成日講白色，以前媽咪就教佢白色crayon畫落白畫紙度係睇唔到，佢似明非明咁，真係好少見佢用白色畫。今晚見佢咁好興緻成晚講白色，媽咪醒起之前為左令佢明白黑白色嘅關係而買嘅黑畫紙，媽咪即刻攞出黎，示範用白crayon畫上去，再即時畫埋上白畫紙度，俾佢知道有分別！Ambrose都幾叻，佢自己攞起枝黑crayon畫上黑畫紙上面，再攤開雙手表示“無”，哈哈！之後佢就繼續用彩色畫，但就不斷叫媽咪要用白色畫，唔明佢咩意思呢？！  

畫到咁上下，Ambrose好high，係咁用crayon點落張畫紙度，點到大大聲咁，好開心！結果張畫就變成左一張好colourful嘅crayon點點畫喇！