早陣子報左入境處主任,雖然知道要考體能,還是試一試,反正也是要過了筆試才有機會考體能,當俾自己一個熱身,六月考政府的綜合試才有動力(我已報了幾次最後也沒去)!!!
沒怎麼預備,只知考試模式,便由屯門老遠的走到太古城考試,幸虧我常到那裡監考,否則那天我一定遲大到,因為我足足花了二小時才到現場,還慘情到站在街上僅花三分鐘乾吞一個芝士漢堡,那刻我心底有多後悔報了這份IO當熱身。
考language test及aptitude test也沒想像的難,心裡不禁鬆一口氣。可是原來作文才是戲肉!!!自問以前我的作文也不差,雖然久沒執筆,我自信自己不會退步到應付不了。但當我看到了題目,我知道我還是輸了,輸的不是我的能力,而是知識!!!英文題目是collective memory, 要講importance of heritage conservation, 政府現行措施同自己既看法。首先集體回憶既真正定義我都唔sure, 我都係估下,importance,更加唔知,對於我呢d不關心時事既人,冷血d講句,我唸唔到有幾重要,點解社會有咁多noise,我無探究,我既看法係無咩特別,但係條題目咁問係default左你係支持,我無野好講。中文作文有一大頁資料背景,講既係低收入人士,生活困苦,有團體促請政府訂立最低工資,此等情形引起社會廣泛討論,而我係社會福利署署長,獲邀參加一幼兒托管中心開幕活動,就有關近日社會上的廣泛討論作出回應,政府推行既相應措施及建議發表演講。唉!!!演講辭係點寫我已經忘記了十世,只憑common sense作,有咩措施唔知道,而作為社會福利署署長,我真係唔知係咪應該贊成最低工資…………..我好想好想舉手走,但係我花了二小時來到,花三分鐘捱個麵包係為左咩?如果我真係就咁走左,我就真係浪費左呢一日,結果我捱左二小時寫左我唸應該足夠既字數,講左一d自己都唔知係咩既野就夠鐘交卷!!!
很挫敗!!!!
返到家看看體能測驗係考d咩……..考5個項目, sit up,立地跳遠,跑800米(@_@),重有唔記得咩野,每項目要取1分,都好似唔係好難,練下都可能得。
小姐,每項目最少取1分,5項目共取15分呀!!!!!!!!!
Certified!!!!
沒有留言:
張貼留言