第一個繪畫比賽獎項 - 銅獎@樂在畫中兒童繪畫比賽2013 (3y6m)

上年十月時幫Ambrose報左一個比賽班，就住一個繪畫比賽而用三堂時間去畫一幅畫交去比賽，當時一心都係諗住俾Ambrose體驗吓，因為比賽班始終較平時嘅恆常班要求高、更認真，媽咪希望藉著比賽班的認真，Ambrose能夠在繪畫技巧上有所得著。以Ambrose當時只有三歲兩個月嘅年紀，媽咪從來都無諗過得唔得獎，因為相信比他年長的小朋友参賽一定大有人在，至少在畫室的比賽班入面嘅同學，個個都比Ambrose大。

十二月，畫室通知媽咪，Ambrose的畫入圍了，隨後便要進入評審階段。入圍的作品會跟據分數按比例分為金、銀、銅及優秀賞，換句話講，入了圍的作品是必然得獎的，只是未確定是哪一獎項。

媽咪一早已打算Ambrose最多只能取得優秀獎，這也很不錯的了，畢竟能入圍也讓爹爹媽咪非常高興！一月尾，從網上得知Ambrose得到銅賞，二月初，得到畫室的confirm，Ambrose真的得銅賞了！這是Ambrose人生的第一個繪畫比賽獎項呢！

得獎作品於2月26日-28日在尖沙咀文化中心進行展覽，亦可即場取獎狀。今晚放工就同Ambrose來看看畫展，Ambrose同自己幅畫影相時個樣仲好開心，有少少得戚咁！見Ambrose响現場不斷見到其他人作品都話靚，要同d畫合照，媽咪諗，有機會真的要同Ambrose多去畫展，觀摩下其他人嘅作品！