Usborne Very First Reading @ Book Buddy (3y5m)

揀完盒Make a Robot Kit俾Ambrose，Ambrose已經自動走去摷書喇，其實媽咪一直都覺得Ambrose鍾意睇書，以前媽咪揀書都鍾意自己慢慢揀，Ambrose就由爹爹帶去反斗城行就算，但今日媽咪突然覺得Ambrose其實已經有自己主見，就等佢帶領番媽咪揀書啦！

 

點知呢個Ambrose竟然走左去揀大人嘅小說，d字密密麻麻，圖都無張，完全唔係佢啱睇嘅書囉！媽咪唯有拉佢埋番去小朋友嘅書架度睇。本來媽咪見有本關於上床瞓覺前要做d咩嘅書幾好咁，啱哂Ambrose成日都叫極唔去沖涼、刷牙同痾vivi呢d唔好嘅習慣，但佢完全無興趣！媽咪嘗試攞多幾本其他書俾佢睇，都係望左一眼就唔理媽咪，自己有自己响度摷。只見Ambrose摷一本出黎揭吓，唔啱，又放低，攞過第二本，再揭，感覺真係幾得意，哈哈！不過佢真係好男仔，成日都攞d封面古古怪怪嘅書俾媽咪，唔係萬聖節嘅鬼鬼怪怪就係怪獸書！真係服左佢！最後佢竟然揀左本Usborne Very First Reading嘅Late Night at the Zoo，佢揸住，再問媽咪有無錢（平時爹爹媽咪成日都話無錢唔買野，所以佢成日想買野前都問定爹爹媽咪有無錢），見佢問得有無錢，即係揀定左想買啦，望吓內容，公仔都畫得幾靚，生字簡簡單單唔係太難太多，所以都同意買俾Ambrose啦！見同系列仲有本The Circus
under the Sea，諗住遲d參加畫畫比賽嘅主題係海洋世界，媽咪唔識教佢點畫，見呢本d公仔都係簡單得黎幾靚，不如買埋呢本，可以參考吓，又學吓英文，一舉兩得啦！