揸筷子之二 (3y6m)

 

唔經唔覺，Ambrose自己揸筷子已經好幾個月喇！以前出街，都一定要帶兒童筷子、食物較剪俾佢，唔係好重嘅，不過都一定要記得帶囉！自從Ambrose自己揸筷子之後，媽咪已經無再自備私家餐具喇，都係用餐廳提供嘅餐具就算。雖然Ambrose唔係下下都一下夾到，但佢至好係唔怕煩，夾到夾到為止。滑如冬菇，佢都應付自如！而家出街真係可以咩都唔帶都得喇，好方便！

 

早排至為Ambrose未能讀書認字而煩惱，但當每次見到Ambrose嘅自理能力，例如早已全面戒片、自己揸大人筷子、食野從來唔需要餵等等，又覺得有點點安慰。