行花市 @ 年廿九 (3y5m)

每年農曆年都會同Ambrose行花市，雖然其實只不過隨便逛一圈買個汽球就走，但爹爹媽咪都一定會同Ambrose去，算係感受一下氣氛。今年不知怎的，一直都抽不到時間行花市，直至年廿九吃過晚飯後才出動。人，當然十分多！就連平時較少人逛的濕貨區，都人頭湧湧。Ambrose知道行花市就會買汽球，一早已經好心急去。入場後，舅母要買花，行得慢，遲遲都未買到汽球，Ambrose就不停嚷著要去買。等到舅母揀好花，決定直接行去賣汽球的攤檔買汽球了。點知，離遠已見幾個攤檔圍滿人，真的要迫入去至問到價。

 

問左第一檔汽球，出價$98，貴得過份。早上才聽到朋友說在花市買個汽球講了價才$58，$98真的太貴了吧！問過檔主可否平宜一點，結果是沒有的。爹爹原本打算貴都要買，但媽咪堅持再去另一檔問問先！Ambrose見爹爹媽咪唔買汽球，好想喊，又扭計。已經解釋過要看看其他攤檔先，佢就已經鎖定左要哪一款汽球，話不用再揀！好嬲定好笑？！同一款汽球，第二檔開價$89，其實兩檔只要是隔鄰，價錢都可以有分別，再問問檔主有沒有得平宜一點，今次，檔主答最多$80賣給媽咪，聽起來已經比第一檔平宜，但$80一個汽球實在太貴了，看著心急想買到汽球的Ambrose，媽咪有一刻也心軟起來，$80就$80啦！不過最後又係要令Ambrose失望，媽咪擠過人群，再到第三檔問價錢。其實第三檔也只是第二檔的隔鄰，但這檔就大大隻字寫住$60一個，感覺不是太海鮮價，而且人實在太多，太迫，再格價下去也不是辦法，既然價錢已經和朋友買的差不多，還是快快買完就走！

 

本來Ambrose揀的是哨牙嘜die cut汽球，點知檔主大叫沒貨，問問Ambrose要其他款式好不好，本來媽咪仲以為佢又會問點解，唔會咁順利，唔知佢係咪驚住又買唔成，佢好順攤咁話好丫，第二款丫，一take過揀埋，超爽快！哈哈！

 

最後，本來想再行埋入面的攤檔，但人實在太多，一家三口加埋舅母及姪女，在人海中迫呀迫的，還是站在相同位置，絲毫沒有前進過，見出口只是在身後不遠處，還是放棄，打道回府算了！