出賣

今晚原本諗住留Ambrose响麻麻屋企過夜架，不過當我地走左返到自己屋企，好輕鬆食緊消夜嘅時候，麻麻就打黎話Ambrose喊到連佢平時好寶貝果枝夜奶都飲唔哂呀！成個電話過程中，我都係咁聽到Ambrose嘅喊聲！爹爹一知Ambrose喊唔肯瞓，已經二話不說換番衫衝出去接返佢返黎！返到黎之後，我開多少少奶俾Ambrose飲埋就遊行完先瞓！

爹爹話Ambrose見到佢之後都無出過聲，好似嬲左佢咁喎，神情好似話爹爹好出賣佢，賣甩佢咁！呵呵！心痛死佢喇！不過我地都重諗緊究竟Ambrose唔肯瞓原因係咩？係認人？認地方？定係我地走嘅時候無同佢交代好？之前我試過去姑仔屋企過夜，得我同Ambrose，佢肯瞓架喎！唔通佢係要認我？呵呵！我地重計畫試多一次，試吓我或者爹爹留低陪佢又肯唔肯瞓，事關如果佢係要認地方嘅話，咁我地想帶埋Ambrose去旅行咪唔得？！