表姐之前果晚黎左過夜，今日一早，兩隻小鬼瞓醒食飽後就不停玩！咩玩具都玩哂，故事書都講左好幾本，媽咪真係散哂！表姐唔想再玩Ambrose嘅Lego，係咁問住媽咪有咩同佢玩，真係暈低呀！小朋友嘅精力真係無窮無盡架！
媽咪諗諗吓，記得之前買左嘅青蛙手工，咁啱有兩packs，咁就可以兩個人一齊玩一齊做唔使爭啦！表姐近六歲，可以自己一手一腳做好隻青蛙，Ambrose就當然唔得啦，都係媽咪一直指示佢點做，係最後青蛙身上嘅圓波點，Ambrose自己任意裝飾，唔使媽咪幫手囉！
兩隻小鬼一齊做起兩隻青蛙仔，不知幾開心！兩隻青蛙仔真係獨一無二架，表姐果隻，用左兩個粉紅色圓波點貼在面上，佢話係媽咪化左妝喎！同埋呢隻青蛙媽咪係著左裙喎，哈哈！Ambrose果隻，襯哂佢啦，對眼貼到暈左咁，哈哈！
沒有留言:
張貼留言