電暖墊

上一、兩年有同老公講過想試吓電暖墊，不過佢話好似唔多安心，信唔過，咁又係嘅，電墊喎，以前好似聽過新聞話漏電，成個人瞓上去，又真係有d驚嘅，又唔係真係好必要，所以無買。

 

今年我見到HSBC有得換購電暖墊，本來都有少少心郁，不過又係果句，好似好驚咁，所以仍然無買。唔知點解，有一日老公走黎同我講話買一張試吓啦，等我冬天唔使咁凍。見佢都開聲話買，又成日聽同事講用左好多年好好用，身邊已經有好多人都有用過，諗落應該都OK掛，所以早前响HSBC換購左一張，早幾日先至有得攞！

 

第一晚試過之後，簡直愛上左呀！個被窩實在係好暖好舒服，正呀！以後對腳唔使瞓極都唔暖喇！而家連老公晏晝瞓覺都開住佢，呢張墊真係好好用，重要好抵！吉之島同一張電暖墊賣緊$1100左右，我响HSBC換購用左$400咋！