秋天天氣好

行過天地圖書，見到呢本“秋天天氣好”，又買左俾Ambrose！點解買？因為之前買左一本“沙灘樂趣多”，同呢本係同一系列嘅，文字唔多，但有少少故事性，重要入面有家長指引教點用本書，又有可撕出黎嘅字咭，某程度上，都幾似“我自己會讀”嘅書，不過就大本少少，好揭d咁！媽咪買“沙灘樂趣多”時已覺幾好，加上Ambrose好鍾意睇，但奈何當時只係得呢一本，無其他，想買埋其他都唔得！今日見到天地圖書有得賣，重有幾本唔同可以揀，可惜果幾本係講返學、睇醫生同埋做哥哥，媽咪覺得呢頭兩個主題屋企已經有喇，再買好似重覆左，加上Ambrose暫時又無返學問題，似乎無需要再買返學故事，所以只有“秋天天氣好”可以買！驚錯過今次唔知會唔會又好難遇到佢，所以買埋啦！都好嘅，到秋天時攞出黎同佢睇，再去街上睇黃葉，加深印象！