一家三口團年飯@2014 (4y5m)

Ambrose出世以黎，都好似未試過同佢一家三口食團年飯，過時過節，都係同長輩級齊齊過多。今年團年飯，兩邊家人都提早食，所以，難得年三十竟然無飯局，可以清清靜靜一家三口自家過！

公司無得早放，所以返到屋企都唔算早，不過，一家三口人少少，無所謂去邊度食啦，就揀左家附近嘅泰國菜餐廳團年，哈哈，夠創新！

 

諗住食完飯，同Ambrose去市中心行吓再過花市趁熱鬧，點知佢都唔知做咩，一食完飯就話要回家，死都唔願出去，唔通佢知道要「團年」即係一家人一齊過，所以一定要返屋企？哈哈！