挑戰Day and Night積木(4y5m)

一月份某晚，Ambrose突然摷左盒 Day and Night積木話想玩。呢盒積木，早在Ambrose兩、三歲時已經體驗過，當時嘅Ambrose沒多大興趣，通常玩完頭幾關之後，就開始唔跟圖，隨心意亂放一通，又或者叫極都唔跟圖，直接就咁亂玩就算，所以，媽咪唯有收起，諗住等佢大少少，可以坐定少少玩table game至再玩過喇！

 

呢一收，真係將盒積木完全忘記了，甚至乎，當Ambrose摷番出黎，個樣好似好有興趣想玩咁，媽咪都有問Ambrose，記唔記得之前其實都有玩過？當然，Ambrose都係無印象啦，仲以為份積木係新買番黎咁，哈哈！

難得Ambrose對table game有興趣，話坐定定試玩，媽咪當然即時同佢玩啦！發覺，原來Ambrose已經可以輕鬆應付Day嘅tasks，而Ambrose自己亦要求，有無d難d架？於是，媽咪叫佢挑戰Night，結果，因為Night嘅tasks只有影睇住黎砌，當然比Day要花多少少時間思考啦！同埋因為只有影，積木中有一個圓柱體，原來在Night時，個影並唔係圓的，而是長方形，所以Ambrose一度搵唔到，要媽咪解釋左俾佢知後，就可以繼續了！

 

最終，Ambrose跳玩至最後一關，第48關，亦都順利完成！呢份玩具，似乎玩遲左少少，哈哈！