剪頭髮(4y5m)

Ambrose咁耐以黎，都係爹爹同佢剪頭髮，出去理髮店嘅次數，兩隻手指數得哂！並唔係因為要慳家，所以自己同佢剪，而係剪過兩次頭髮，剪完後都總覺得麻麻地。媽咪唔太鍾意Ambrose剪得太短，媽咪鍾意少少長，跑起上來有飄逸嘅感覺，而且頭髮太短的話瞓醒覺就會炒埋哂，呢度飛一執果度飛一執出黎，好麻煩！出去俾人剪，通常都唔會剪到太長，仲要加埋剪碎偷薄，小朋友頭髮已經夠幼，仲要剪碎偷薄，輕上加輕，瞓醒唔炒都偷笑！所以試過兩次之後，都係自己同佢剪啱心水d！

 

趁就過年，早兩晚爹爹又同Ambrose剪頭髮，媽咪同爺爺都忍唔住出手剪吓，Ambrose真係威，三個人服侍佢，哈哈！爹爹話，唔知仲可以幫Ambrose剪到幾時？唔知佢幾時開始會嫌棄我地？！