再買百科書(4y5m)

之前Ambrose成日都有問d水响邊度黎？佢知道有水塘儲水呢回事，但就唔係好知水塘嘅水點會黎到屋企個水龍頭度，媽咪都有解釋俾佢知，不過可能始終都無真正睇過，所以佢都成日不停咁問水嘅去向。媽咪記得之前曾經見過「自來水的旅行」呢本書，所以特地再去找找，希望可以買回去俾Ambrose具體化d咁睇，好彩都俾媽咪搵到，嘻嘻！

另外，「人類做的事情，動物是怎樣做的呢？」好有趣，有d內容都幾好笑，打算買回去同Ambrose一齊分享！仲有就係「幼幼小百科」，媽咪揀左植物，因為Ambrose時常都會問樹葉點解會黃左跌落地，又會問點解d樹幹唔係直係彎等等問題，希望呢本書，可以解答到佢不少嘅問題啦！