每年媽咪都會為Ambrose準備華服，等佢可以响新年著吓迎吓節，同埋，最主要原因，係學校每年都有華服日，點都要預備俾佢，哈哈！除左bb時期買過嘅連身華服，媽咪之後只買過一件薄身雙面華服，一面棗紅色一面金色，估唔到呢件華服一著就三年，哈哈！無法啦，Ambrose嘅bb期肥得好快，所以買衫都要買大一、兩個碼至得；到佢大到咁上下，開始又慢番落黎，個人高左自然就拉番瘦d，所以之前買落大左嘅衫，可以著好耐！
今年，終於都等到佢件華服唔啱著了，可以買過件新色，哈哈！一直都好想買青綠色俾Ambrose試試，怕過年前多人買會無碼，媽咪特地早於一個月前就去買了，哈哈！本來多見綠色撞橙色的，竟然俾媽咪見到綠色撞鮮紅色的，好搶眼呢！
Ambrose著起好醒目，佢自己都好鍾意，仲要堅持要綠色果面！
沒有留言:
張貼留言