其實書就真係唔多，不過就有好多卡通人物書，當然，呢類書就一定好吸引小朋友，而且，學校嘅小朋友，大極都只不過係K3，小至兩歲，其實真係預期擺得出黎就會有小朋友睇架啦！成個書展得一個Sales，佢見到d小朋友行埋去，就會好緊張咁同小朋友講，唔好咁大力揭書，唔好整皺d書，媽咪都明白，緊張都係正常嘅，皺左無人買就蝕本，但個sales嘅態度就係最好唔好搞佢 d書囉！Ambrose只係攞起本Spiderman書，都未開始打開，個sales已經同佢講，係咪鍾意Spiderman呀？叫媽咪買丫！好乞人憎囉！就好似同媽咪講，買左先好打開睇呀！
見佢有套英語教材賣，响度同人sell緊，一路sell，一路擰過黎check住d小朋友有無揭佢d書，其實果日係家長日，d小朋友全部都有家長睇住，真係唔明佢咁緊張做咩！見Ambrose咁鍾意本Spiderman Magical Story，就忍住啖氣都照買，叫佢攞住啦，個sales一見Ambrose攞住本書想繼續行去睇其他書，佢就即時話係咪要呀？幫你keep住先啦！
之後，最激氣就係，當Ambrose見到有本恐龍書，其實佢只係攞起睇個封面，都無打開黎睇，個sales已經即時衝埋黎，响Ambrose手上攞左本書，再好似好好人咁逐頁打開隔幾個手位咁俾Ambrose睇，爹爹媽咪當時正正响Ambrose左右兩邊，可以好肯定Ambrose並無破壞到任何野，而且Ambrose亦已經過左會整皺書嘅階段囉！佢都真係好有問題，如果真係有興趣買，小朋友都不甘就咁離遠睇吓本書啦，完全唔俾人掂書，不如唔好擺出黎啦！
最後，多選左一本「都是從太陽來的」，見平時不常見這類書，而插圖又精美，價錢好似都算平，嬲嬲地，快快趣趣俾錢走人！兩本書加埋折左$103！
沒有留言:
張貼留言