薑皂

之前同E llen Law都有留意吓薑皂，雖然唔知成效係點，但唸住用薑水同薑皂黎坐月，雙管齊下，安心d！

 

Ellen Law七月預產，我就九月，所以都約埋一齊訂薑皂，可以送多一件燕麥皂！星期一終於攞左返黎，我就忍唔住要試吓先。用左兩日，個感覺係同平時用皂液好唔同！皂液就好方便，按兩吓就揸得上身，薑皂就要搓吓有泡先揸得！我訂左兩件bear bear熊形狀嘅，其他都係長方形，都有d後悔唔訂哂長形，因為bear bear個形狀係irregular，搓起泡麻煩d，成日都驚隻bear bear幾時會解體！用皂好似無皂液咁潤，沖完唔知係乾定係爽，皮膚好似緊d，重有係無薑味，亦無沖完慶慶哋嘅感覺，不過薑皂就少泡好多，容易d沖洗乾淨，坐月都應該ok方便！