H&M

今日收工約左Ellen Law行尖沙咀，陪佢買護膚品，順便俾埋d薑皂佢。我哋一去到尖沙咀就食晚飯先，無計啦，大肚婆肚餓唔忍得，同埋唸住Faces早關門，早d食可以行耐少少。點知食完野一行出新港中心就見到新開左間H&M，入左去睇先發現好大，有Maternity Wear同埋Kid Wear，因為唸住遲d影大肚相，想買番條one-piece係收腰貼肚d嘅，又俾我搵到喎！見到條大肚牛仔短褲，好吸引，成日都著長褲，鬼咁悶，短褲又型d，係唔知返唔返到工，唔理啦，二百幾，買左先唸啦，唔著拖鞋都ok啩！

 

再去睇Kid Wear，真係不得了，d衫好cute，睇到我哋目不暇給，不過都係女仔衫多d靚d，我哋仔仔就可以慳d啦！不過我都忍唔住買左跳跳虎嘅夾衣俾小b，重有係“迫”褸開腔嘅低衫仔夾衣！價錢都唔貴喎！以後去尖沙咀又多一個shopping好地方啦！

 

行完H&M都好晏，開心過頭，即刻去返買護膚品同行Zara，時間啱啱好，行完去食番個甜品，一坐低就好累，食完就搭車返屋企嘞！