政府產檢

今日又係政府嘅產檢，都唔記得第幾次嘞！今次好d，係下午，睇完可以走得，唔使一早去咁辛苦。

 

一點鐘放lunch我就開始行去，唸住上次去無咩人，今次都應該好快，lunch都無食就直接去健康院，去到成個廳都係人，估唔到原來下午係咁嘅，我排十九。又係驗尿同磅重，之後等叫名見姑娘。我重以為今日會有上次結構性超聲波嘅報告，點知姑娘話上次醫生如果check到有問題會同我講，無講即係無問題喎！之後姑娘話我比上次重左3kg，重得快左，叫我自己睇返。我心唸，睇番即係點呀，係咪唔可以重得多？真係奇怪，我都係食咁多野，都無話特別食多左，又會無啦啦重左咁多都有？！有d唔開心啦！希望係重多左落小b度啦！再之後，以為等醫生叫名，點知叫我果個係第二個姑娘，都係係咁易按吓肚，俾我聽左幾秒小b心跳就叫我走，等我重唸住問吓頭痛嘅野都無得問，勁失望！健康院安排左六月十八日朝早返贊育做糖水測試，六月十九日朝早覆診，都唔知點攪嘅，連續兩朝都要返去，做咩唔一日攪哂去？！麻鬼煩！

 

走左之後，我就去搵野食，咁啱見到有間triumph outlet，泳衣九十九蚊有兩sets，忍唔住買左兩套，唸住影大肚相用！