胎心機

唔知點解呢幾日小b無咩點郁咁，日日都等佢，佢都唔回應我。自從聽過我買開衫果個sales姐姐講佢個朋友响屯門醫院穿左水生唔到，醫生又唔肯開刀，最後個b都係開刀攞出黎，有心跳但唔識抖氣，我就有d擔心小b，點解郁少左？會唔會响肚裡面窒息？等左幾日，都忍唔住同老公講，老公都有問使唔使睇醫生，都係果句啦，咁突然先book婦產科醫生，通常都無得即刻睇，又要等好耐先有期，睇急症就可以即刻睇到小b，不過我個case都係小b唔係幾郁，睇急症又誇左d，好似好濫用呢個服務咁，所以我都唸住睇多兩日先算啦！

 

講完第二日，老公返工嘅時候打俾我話不如買部胎心機，咁就可以自己隨時聽到小b嘅心跳，唔使成日都擔心！唔，我唸左幾秒，都係唔買啦！買咁多呢d野，將來又無用，d人通常都係啱啱有嘅時候買，咁就可以用耐少少。其實我都成廿一週幾，有時禁吓個肚都好似feel到小b嘅心跳（唔知係佢定我嘅，因為我都跳得好快），胎心機又好似重令自己緊張d，聽人講有時搵唔到呀b嘅心跳，咁真係自己嚇自己。我唸touchwood有咩事都係去急症重好啦！

 

老公今次都無堅持，睇多幾日先！