轉變

之前成日都好想寫吓自己懷孕嘅轉變，但可能呢d轉變都係慢慢先浮出黎，所以都好難逐様去記載住幾時發生，等我而家做吓小結先：

 

１）                復活節後開始見肚同感到胎動，大約係十八至十九週；

２）                同時間，反胃嘅感覺漸散，可以正常進食，但又無特別大左胃口；

３）                肚臍以下條妊娠線响早期都可以見到，去到廿幾週嘅時候越來越深色，肚臍對上去到胸下都有一條似有還無嘅妊娠線；

４）                B型身材越來越令人困擾，著嘅底衫成日都好“箍”，尤其是晚飯後越見辛苦；

５）                開始在床上“伸懶腰”嘅時候小腿會有想抽筋嘅感覺；

６）                面圓左，有同事更話我塊面“腫”左；

７）                腳掌响廿一週左右開始變闊而唔係長，事關著開嘅圓頭鞋迫左同“括”腳左；

８）                内腳眼响廿二、三週好似平左好多；外腳眼重係突出，不過都無以前咁突出；

９）                黑色素多左，例如肚臍、頸嘅摺紋深色左，受傷後嘅印唔褪；

１０）        肚臍平左；同埋

１１）        鼻頭圓左同多斑左。