飯聚

呢排可能個人都無咩唔舒服，係例牌成日瞓唔到，都慣左！所以好似放牢咁約人去街街！今晚約左Gigi同Ball仔，好耐都無見Gigi，佢原來都唔知我有左，哈哈！大家講到生bb，我都有叫佢如果有唸過就不如早d生，唔好成日都有藉口話遲吓先，始終後生d好似好d，起碼都復原得快d，而且我深信陀得無咁辛苦！希望佢會認真唸吓啦！

 

之前响網上見到有個叫“薑心比心”嘅公司，專賣薑產品，不過就喺台灣，要訂就要經一個女仔，咁啱個女仔話有薑沐浴露＋薑洗髮露嘅體驗組賣，一套十五元，每枝有成45ml，都好抵，所以我都訂左三套，唸住留番一套俾Ellen Law，一套而家試用，一套到坐月用。約左成個幾禮拜，終於約到今晚攞埋，個女仔重送多一set俾我，好開心！個體驗組嘅packing都幾靚，樽裝都方便帶入院！