Shopping日

永安呢幾日大減價，見forum d人話high chair同BB車好抵，所以都想睇吓！星期六上午老公要返工，咁我自己搭車出去深水埗join埋佢揸車過佐敦八卦吓！唸住好快到，所以就算lunch都未食，都無買小食頂吓！

 

點知兜黎兜去都去唔到永安嘅停車場入口，兜左好耐終於都去到，但係竟然full左，唉！成三點鐘又未食野，又落雨，好無奈地，我哋最終決定直去尖沙咀，第日先搭車去永安行！

 

去到海港城，好想食pizza，點知pizza hut裝修，無得食，又肚餓，最尾去左KFC，快d麻！好彩海港城咁啱都有baby bazzar，咁我哋都可以睇吓有d咩平野買！上到去都唔係想像中咁多野睇，嚴格d講有d似跳蚤市場咁一檔檔，最尾都俾我買左我好鍾意嘅黃色小鴨嘅包被、winnie the pooh嘅橙色夾衣、紗巾、小背心，小b就好啦，咁多收獲！我哋重去左H&M買左上次我忍住唔買嘅魚仔夾衣，臨走見到有件抓毛jacket仔做半價，忍唔住帶埋返屋企，嘻嘻！