Ambrose係一個好typical男仔一名，粗粗魯魯，玩嘅野又係好男仔嘅，所以佢一返pre-nursery好快已經學識分boy同girl，學校張評估表都tick左佢分別boy同埋girl係excellent！有時，媽咪都唔係好明，Ambrose係憑咩野去分男同女呢？
一向多多問題嘅Ambrose，今日又考起媽咪喇！尋日上芭蕾舞，見到表姐紮左辮仔，佢又伸隻手“拿”埋d頭髮一紮咁，嚇死媽咪！媽咪同Ambrose講，girl先會紮頭髮，講完佢又無野架喎！點知今朝早Ambrose又有少少動作攪d頭髮，媽咪同Ambrose有咁嘅對話：
媽咪：girl先至紮辮架！
Ambrose：girl紮辮架，Ambrose係boy！爹爹係boy！
媽咪：係呀！Ambrose同爹爹都係boy，咁媽媽呢？
Ambrose：媽媽係girl！嫲嫲係girl！
正當媽咪想嘗試講girl同woman分別嘅時侯，Ambrose又繼續講喇！
Ambrose：做咩事媽媽唔紮辮嘅？
媽咪：因為媽媽d頭髮好短囉！紮唔到架！
Ambrose：做咩事嫲嫲紮辮嘅？
媽咪：因為嫲嫲頭髮長丫麻！
Ambrose：做咩事嫲嫲頭髮長嘅？
媽咪：嫲嫲鍾意留長囉！
Ambrose：做咩事姑姐唔紮辮嘅？
媽咪：因為姑姐都係短頭髮囉！
Ambrose：做咩事姑姐短頭髮嘅？
媽咪：因為佢剪短左囉！
Ambrose：做咩事媽媽無頭髮嘅？
媽咪：媽媽有頭髮，不過短之麻！
Ambrose：做咩事媽媽girl唔紮辮嘅？
媽咪：girl都唔一定要紮辮架！
Ambrose：做咩事girl都唔一定要紮辮嘅？
呢段對話，其實已經係簡化左，因為Ambrose有時候同一個問題係可以連續問好幾次！媽咪答到頭都大埋！其實係咪媽咪唔應該define女仔先至紮辮呢？
HAHA....我試過咁講..之後前面有個男人長頭髮行過....
回覆刪除我唔記得點同阿仔講返...只係個次後..唔再呢樣define 男定女..哈哈....
之後我就好認真講男仔同女仔分別...
[版主回覆03/07/2012 17:07:40]我地同ambrose講男仔有jj女仔無...其實佢都明...只係我見佢想紮辮咁款...我想stop佢就用左呢個理由...但...其實....我都唔知點解女仔要紮辮而男仔唔使.....我諗佢遲早一定會問做咩事男仔唔紮辮........
哈哈~一定會問~~我仔都有問~~我都唔記得用左咩答案解釋....
回覆刪除[版主回覆03/07/2012 17:54:42]好難答..事實係b女就算短頭髮都會紮辮...咁唔係長頭髮問題....如果話靚d先紮..咁點解男仔唔可以靚d紮頭髮....好似點答都駁到咁