雙面人

幾時都話Ambrose係一個不折不扣嘅雙面人，出親去就斯文乖巧，對住屋企人呢，哼！

 

次次畫班完左之後媽咪都會同佢影番幅畫，次次媽咪叫佢攞住幅畫望住鏡頭影相，佢就只係笑，但個頭就擰左去，又唔望過來，絕對係玩野！

 

今日老師無啦啦捉住Ambrose要佢揸住上堂隻鸚鵡影相，呢個Ambrose真係即時雙面人上身，超合作咁即時攞住幅畫笑哂咁望實鏡頭，仲要影一張唔得，俾老師影到得為止，無扭擰！

 

媽咪有理由相信，Ambrose係一個刷鞋型嘅小朋友，對自己有利嘅人，佢唔敢得罪囉！

 

老師叫影相就超合作


二十秒前先至响課室死都唔望過黎