同Ambrose去整cake pop果日，見去開旺角，就同左佢去睇吓d槍店模型店，佢咁鍾意槍，爹爹話要帶佢見識吓唔同嘅槍！果然，男仔即係男仔，Ambrose睇到嘩嘩聲，把把槍都話靚話勁，又勁問係咩黎，真係唔識答佢！
响間賣槍店見有動物模型買，整好會行都幾得意，俾Ambrose揀左佢話要大象，所以買左返去！
估唔到瞓醒覺佢又記得，係咁話要砌！不過呢d咁仔細嘅工作，真係唔係佢可以做到，都係靠爹爹架喇！
諗住雙星賣開模型，都應該可信，點知爹爹話d位超唔fit，好難整！隻咁簡單嘅大象，足足整左幾個鐘！仲要個開關制實在太渣，推開佢又鬆鬆地咁接觸不良，隻象郁吓又停吓，根本玩唔到，咁就無左$100，激氣！
沒有留言:
張貼留言