學校嬉水日

唔知係咪學校嘅老師都有同學生講有嬉水日，Ambrose 竟然都知道有得返去玩水！以我地慣例，咁好玩嘅野一定唔會一早同Ambrose講，費時佢小氣病左去唔到，兩歲果年嘅生日咪就係咁臨出發至發燒去唔成Disneyland囉！

 

今次係Ambrose自己提起話返學校玩水，都有d擔心唔知去唔去得成！其實媽咪都好“鄧”Ambrose緊張，好想佢玩得成，畢竟，可以响學校一班同學仔咁玩，真係唔係好多機會！

 

無驚無險，終於等到今日，爹爹幫Ambrose換左泳衣，就咁就同佢返學，重要Ambrose自己一定要戴副超出去，使唔使咁浮誇呀？

 

後記：放左學後爹爹話同Ambrose去樓下泳池游水，點知Ambrose自己話唔去，話驚浸親，俾佢笑死！但之後媽咪問佢點解唔去游水，佢又老老積積咁話今日咪响學校游左囉！