走迷宮之二

之前Ambrose做走迷宮好似無咩興趣咁，好可能係因為開頭部份主要係tracing多，不停畫線，悶悶地！

 

點知之後真係有迷宮果d，睇完媽咪示範同講解，佢似乎都有d興趣，仲一做再做，做唔停！結果，呢本走迷宮只係分左三次做就KO左喇！

 

做完呢本迷宮，感覺Ambrose對於有幾條線交叠住做matching係有少少障礙，佢成日都唔知道交叠之後應該行邊條線，同埋佢好似都分唔到線响底同線响面，唔識分底面，所以一有交叉時佢就唔知點行好！不過對於一d簡單嘅迷宮，可能因為有公仔嘅輔助，好似話小動物迷路要帶佢返屋企，咁樣佢就識點行！

 

暫時手上都無類似簡單嘅迷宮練習，都要再搵多少少類似咁簡單嘅迷宮至得！有無人有好介紹？