美芯手藝@書展收獲 part 2

行過美芯手藝嘅both，原本都不抱太大期望有咩野買，事關平時大眾都有佢嘅手工pack賣，而媽咪眼見檔口全部都係近期好興整嘅蛋糕盒同埋音樂盒，完全未啱Ambrose嘅程度，所以都無諗住買野！

 

點知貢左入去之後，見到有d小手工，平時唔見大眾有得賣（可能去開果間無啦），同埋又啱Ambrose嘅程度，仲要，望吓個價錢，好平，真係唔係幾信有十幾蚊一包嘅手工包！

 

買左一個萬花筒，都幾大枝，啱哂Ambrose嘅小手，只係$15！另外，買左架裝便條嘅火車，可以自己油顏色自己design，架火車係木做，都只係$20！仲有買左包穿繩手偶，諗住練吓Ambrose小肌肉穿吓繩，整完又有個手偶玩吓，唔錯，$15，自己買料真係唔止呢個價！不過最衰手偶包完全唔知邊包係咩公仔，媽咪問左個sales，佢都答唔知，所以都係執左一包顏色ok嘅就算！三包手工套裝加埋$50，真係好抵！