今晚終於記得攞盒Paperoni出黎同Ambrose玩！唔知係咪耐無做手工，Ambrose異常心急想要開黎玩！呢盒Paperoni係蝴蝶，係Ambrose自己揀架，所以攞左呢盒出黎玩先！
一盒Paperoni入面有蝴蝶咭紙，一盒紙條粒同一個夾。將蝴蝶上嘅膠紙撕走，蝴蝶面就有強大嘅黏力，跟據蝴蝶上嘅顏色夾紙條粒上去，一放低馬上就痴實左，好勁！興致勃勃嘅Ambrose一味夾，係就係痴到，不過佢就唔多跟顏色放囉！媽咪開聲話要跟顏色放，佢都有試，不過可能隻蝴蝶都唔係大，重有咁多顏色响面，即係變相好難囉，仲要佢夾紙條粒都係夾到咩色先放咩位，有時佢夾到嘅顏色要放嘅位置亦好唔就手，所以玩多幾玩，Ambrose都無咩心機，佢自己都話“咁難嘅”！
見Ambrose話難，媽咪當然有幫手啦，而且重氹Ambrose努力嘗試，同埋降低要求，有時佢夾到但擺唔準個位都由佢，同埋到後來，都由得佢用手去整，咁佢先至有番興趣！
其實呢盒Paperoni幾好玩，又平，如果個公仔大隻d同埋紙條粒相應粗番d可能會比較啱Ambrose嘅level，呢隻size係有難度嘅，所以餘下重有兩盒Paperoni都係留番大多少少至再玩過喇！
完成品嘅蝴蝶，其實都幾靚！
沒有留言:
張貼留言