創意畫班@第二十堂(3y6m)

成個二月份，只係返左一堂畫班！第一堂一早請左假打算同表姐開生日會，最終生日會取消了又無再返畫班。第二堂就因為撞正新年，畫室放假。第三堂有返，畫左條蛇，一心諗住可以正式回歸正常軌道，點知美國嘅姨婆早前返左黎，撞正第三堂畫班果日返美國，要去送機，最後趕唔切返畫班，都幾無奈！

 

三月喇，從新開始喇！今堂畫雞！其實之前响屋企Ambrose都成日對住本Hand Art畫Turkey，唔同嘅係佢會跟書印自己隻手當成雞的身體，而畫室係就咁畫橢圓形身體。可能Ambrose已經畫過無數次，知道雞嘅眼、咀及下巴有一執唔知叫咩嘅身體部份嘅分佈係點，所以老師走出黎同媽咪講，話Ambrose見到表姐畫咀畫錯左，好肉緊咁教佢，哈哈哈！呢幅畫對於Ambrose黎講實在太熟悉喇！

 

有時覺得唔知係咪有人黎試堂，老師果堂就一定畫畫多，雖然媽咪已經同左Ambrose轉左純畫班。同埋有人黎試堂，感覺好似幅畫會多元化d咁！好似今日咁，雞尾係用撕紙貼上去，而雞冠係用輕黏土搓完貼上，真係幾好！唔可以話平時唔好嘅，只係感覺上，好少一幅畫有兩樣元素囉！

 

另外，可能上堂轉純畫班時係個assistant負責收錢，而今堂交學費時就係老師負責收，佢竟然唔知Ambrose已經轉左純畫班！！！媽咪即時心諗，如果真係無轉到而上一堂Ambrose又有返的話，咁咪又係做手工囉？！計落係無蝕嘅，手工班係貴少少架麻，不過媽咪都係想佢專注畫畫囉！好彩今日交學費clarify多一次，咪下堂又搞錯就麻煩了！