初學加法 (3y7m)

最近同Ambrose嘅同學仔媽咪講起返興趣班的事，好驚訝原來有d同學仔除左上緊一般嘅畫畫、跳舞、英文、普通話班之外，原來佢地仲會上數學班！媽咪從來都無諗過呢個年紀已經可以開始學計數！問過上堂模式，又覺得對於三歲幾嘅小朋友黎講都幾悶，要佢好似返補習班咁坐响度做數，自己諗落都唔係幾好玩啦！所以數學班，暫時唔諗喇！不如自己試吓教d簡單嘅數學，等上K2至諗啦！

 

同學仔媽咪介紹左d數學workbook俾媽咪試吓，本來佢地介紹「加法練習」呢本俾媽咪，不過無貨，見到呢本「初學加法」都唔錯，所以買住返去試吓先啦！