創意畫班@第二十一堂(3y6m)

今個星期六日會入廸士尼酒店住一晚，所以星期日嘅畫班又受影響喇！好彩呢間畫室係俾請假嘅，有好有唔好啦！好係唔會浪費左學費，靈活性大d；唔好嘅係因為靈活性大，星期日有咩活動想去自然成日心思思想逃學！為左唔想Ambrose成日都去左玩唔返畫班，所以媽咪將星期日嘅畫班提早補堂，今日返埋去！

 

今堂唔係平時嘅Miss Chan教，係個肥妹仔老師，唔知佢係老師定係assistant喇！算啦，唔同老師可能教畫嘅野style都唔同，當俾Ambrose有唔同嘅體驗都好！今堂老師教畫雞泡魚，Ambrose過兩星期要去一個現場嘅畫畫比賽，主題係海底世界，媽咪心諗剛剛好，正頭痛點樣教Ambrose畫魚，畫室就教畫雞泡魚喇！原來畫雞泡魚都唔難畫，咁到時都可以照畫番雞泡魚，加少少其他野，似乎都好輕鬆啫，perfect！