呢盒King size UNO已經唔記得左幾時買，係Ambrose出左世之後？定之前？真係無咩印象！一直都收埋左呢盒UNO，直至早幾日俾Ambrose發現左，佢係咁話要玩！因為近排放工回家太攰，又覺得要教Ambrose玩UNO，應該要花不少精神時間，所以媽咪推說要研究一下，下次再教佢玩！原以為Ambrose唔記得左，點知佢好醒，走去搵爹爹，叫爹爹同佢玩！
就係咁，爹爹教左Ambrose點玩，又估唔到都唔使太花時間教Ambrose玩咋喎，佢都好快pick up到！之不過，為左方便教Ambrose點玩，暫時大家都將手頭上嘅牌攤開哂出黎玩，哈哈！呢幾日Ambrose係咁話要玩，有時玩到又唔願停，真係俾佢激親！
另外，呢盒UNO唔好處，就係有公仔人物，好容易令小朋友分心去d公仔度！同埋，小朋友基本上睇公仔已經可以認到咩牌可以出得，所以如果入門玩呢款都可以，等玩得熟少少，一定要轉番去正常無公仔嘅UNO至得！
沒有留言:
張貼留言