Home Art Jamming @鴨仔船 (3y7m)

放工返去又見到Ambrose嘅傑作！其實都完全唔知佢畫咩，只係覺得好多線條同埋好多顏色！見到下面一堆雜亂嘅藍色線，其實都估係海，Ambrose畫海嘅模式成日都係咁，好似個怒海咁，哈哈！所以如果呢個係海，上面果隻應該係船！問Ambrose係咩黎，佢話係鴨仔船，仲即時指住前面個鴨頭俾媽咪睇！又係喎，真係有個鴨頭！問佢點解隻鴨仔係船，佢話因為佢鍾意！細問佢咁多線係咩意思，係咪貨櫃船，又話唔係！但就指著海上面紫色一排好似門嘅物體，話係門，但就話呢隻果隻爛左，要去前面入先得，真係唔知佢究竟諗緊咩？！