上年年尾買左盒Clay Moving Car，今晚先至攞出黎同 Ambrose一齊整！盒入面有說明書，教整兩款車，一架係私家車，一架係貨車。 Ambrose揀左整私家車。媽咪同佢一齊整就覺得有難度，張說明書上嘅圖唔係好大張，媽咪睇來睇去都唔知點整，更何況唔知點同Ambrose講點整，唉！最奇特係入面包左四隻色嘅黏土，如果要跟住幅圖嘅顏色去整，要溝黏土！呢個都唔係問題嘅，但最大問題係，媽咪發覺如果整哂成架車身，包嘅黏土係唔夠囉！因為四包黏土入面係有一包白色，如果要溝黏土，咁白色其實都唔可以撈太多，有咪即係無囉！好彩媽咪聖誕節時咁啱買左同一牌子嘅綠色黏土，基本上係同幅圖隻綠色一模一樣嘅，所以媽咪索性唔溝，出動私伙黏土至得！用左私伙黏土，包果四包自然就有淨喇！
好求其咁同Ambrose一齊整左架clay moving car出黎，睇Ambrose反應都唔係特別興奮，加上整完將架車對比番落幅圖度，見佢個樣都覺得：吓？就係咁架喇？所以媽咪覺得今次係失敗之作！
唯有擺一排先，遲d睇吓可唔可以整走哂 d黏土，再用個車身整過第二架啦！
沒有留言:
張貼留言