2013年聖誕禮物 (4y4m)

十一月行經反斗城時，見到Ambrose夢寐以求嘅海賊戰隊帆船號大槍，出奇地特價平左幾百蚊，本來應承左聖誕節時買呢把槍俾佢做聖誕禮物，但見平左幾百蚊，都係忍唔住即時買左，仲同Ambrose講定，而家買左份禮物，到正式聖誕節時就無架喇！

點知買完枝槍，Ambrose嘅target又轉左去豪獸神度，不過其實佢都算乖，佢無話要再買聖誕禮物，只係話爹爹媽咪有錢時，儲夠錢時，就買俾佢喎！

媽咪成日抱怨，屋企嘅玩具實在在多，又多刀槍劍等等！成日話屋企好亂，俾Ambrose嘅玩具充斥哂好多空間。但見到豪獸神特價，又見Ambrose乖巧地只係不停睇住個豪獸神盒上面嘅公仔，無扭媽咪買，媽咪最終竟然心軟地自告奮勇買埋，話係媽咪送嘅聖誕禮物！真有點講一套做一套的感覺！

Ambrose買左盒豪獸神之後不知幾開心，不過，媽咪俾左個考驗佢，就係返到屋企都唔准開，要等到爹爹返黎至拆。佢都聽話，無得開，都係咁睇個盒，一臉陶醉咁款，真係服左佢！