見天氣真係開始轉涼，都係時候同Ambrose添置少少新衣，而且為左獎勵佢入院時做檢查嘅勇敢表現，媽咪今日就同佢去睇吓童裝店，會唔會有男仔長Boots賣！
幸運地，去第一間店舖已經見有喇！一對類似Dr Martin款式嘅銀Boots，係幾型，但媽咪略嫌鞋口好窄，襯褲有d困難，而且驚佢行路唔係咁舒服，買左返去唔著就浪費了！於是，媽咪見到有毛Boots，鞋口濶d，不需拉鏈，一穿上去就係，方便好多！雖然毛Boots多女仔著，但呢對款式有尖釘，比較rock，媽咪覺得頗中性，於是極力推介給Ambrose！點知Ambrose著上腳之後，仍然都係要銀Boots，真係無佢辦法！
為左襯對銀Boots，又要搵褲襯番，於是sales俾左套衫Ambrose試，媽咪都未及為意，就由sales同Ambrose著！見Ambrose行出黎時個樣，佢自己都未照鏡，已經面有難色，真係好好笑呀！梗係啦！個sales竟然俾左條泡泡假兩截嘅legging褲俾佢著，都唔緊要，上身果件，竟然係貼身粉紅tee，上下半身嘅顏色組合，加上條泡泡褲實在太泡，泡到有少少似裙，Ambrose即時望落似個女仔，也難怪佢面有難色，哈哈！
之後再試左條灰色褲，好彩著出黎好醒目，Ambrose即時醒神番，仲即時愛上，叫極都唔肯除番出黎！但由於本身嘅外套同條褲及鞋又唔襯，為著佢唔肯除番出黎，又買埋件漁夫褸，Ambrose著埋件褸上身，即時high爆，覺得自己好型仔，哈哈！
沒有留言:
張貼留言