浸浴缸@聖誕老人泡泡彈 (4y3m)

之前同Ambrose行過Lush，見有聖誕主題嘅泡泡彈，忍唔住買左個聖誕老人泡泡彈迎一迎聖誕節！

今日同Ambrose去完Children Xmas Party，見佢無瞓過晏覺，又玩得一般盡興，所以攞左個聖誕老人泡泡彈出黎俾佢浸浴，等佢開心下，同埋最緊要係，浸完浴，個人relax哂，加上放左成日電，早d入房瞓覺，咁媽咪就可以自由活動囉，哈哈！

個聖誕老人泡泡彈好神奇，睇佢白白地帶淺粉紅色咁，仲以為佢落到水無咩色，點知佢炸左一陣之後，原來入面包住聖誕綠色，成缸水就因此變成聖誕綠色，真係夠哂應節！