不過由於媽咪工作實在太忙，很多前期工作都要在家中進行，而媽咪放工在家的時間一般都好繁忙，所以前期工作真的拖了不少時間。結果，因為上年整聖誕咭時仍有不少物資留下，又加上有些同學仔上年並沒有送聖誕咭，媽咪決定部分嘅聖誕咭沿用上年其中一款，這樣可以加快製作速度呢！除左上年的款式外，今年都有新款加入，本來鎖定左好幾款想同Ambrose一齊整，不過發覺同時間製作不同款式真的有點應付不到，又不想特地為做一張兩張咭而添購材料，所以有些款式作罷了！
今年製作聖誕咭時，發現Ambrose真的長大了，以往同佢一齊做咭，他也只會跟著媽咪指示做，並唔會有甚麼異議。今年同佢一齊整咭，佢就好多意見，一時就問點解要咁整呀？我想咁樣喎！一時又會話我唔鍾意咁，要咁至得喎，同佢解釋左，佢都會話，我鍾意丫麻。為了尊重Ambrose嘅意見，有時侯媽咪可能要放棄之前預備好嘅材料，臨時改動設計，以致製作時間亦增加不少。加上十二月初Ambrose入院的關係，原本時間已經不太鬆動，開始變成有點急趕了！
幸好今年部分聖誕咭的款式，只是印印手指或手掌後再行加工，不需又剪又貼的花時間，才可追回不少進度！今年Ambrose寫信封也很有要求，除左寫名外，佢仲要畫上不同公仔，媽咪覺得，自家的聖誕咭真的很有誠意，心思十足！希望收到的小朋友會喜歡吧！
想來，下年可能要十月便好開工了！哈哈！
沒有留言:
張貼留言