Ambrose見到彈床就已經衝左上去狂跳狂撻，好彩人唔算太多，就由得佢盡情放電！跳完彈床就去排隊玩game booths，共有6個booths，玩完蓋印，玩哂6個booths可以去換領禮物一份！但game booths嘅games其實某部分都有難度，唔係咁啱四歲嘅Ambrose，不過，玩完贏輸都會有小禮物一份，Ambrose都無咩投訴嘅！
今年嘅Children Xmas Party多左個泰拳體驗booth，Ambrose當然唔會錯過啦！佢戴左拳套上手之後，真係好似上身咁，識得擺pose，真係唔明佢點解會識！郁手郁腳基本上開正Ambrose果瓣，佢一黎就好似摩打手係咁打落教練個軟墊上，連教練都話佢勁，仲問媽咪佢幾多歲，更開始話而家嘅小朋友精力實在太旺盛，唔知係咪奶粉定食物嘅關係云云。打完一輪，到表姐玩，明顯地女仔係斯文好多，教練叫大表姐用腳踢，佢都唔多識點踢，Ambrose就唔使教都已經起哂腳，唉！二表姐更加係見到都唔想玩，叫極佢戴拳套試吓都唔肯去，哈哈！
玩完一輪，睇Ambrose至愛－魔術表演！不過佢見到小朋友可以出去同魔術師一齊玩，就成日問點解魔術師唔同佢玩！實情係之前派嘅小禮物有d已經一早畫左記號，有記號嘅先可以出去玩，我地都無，無得出去玩，佢又唔明喎，係咁嘈住哂！可能，加上佢無瞓晏覺，又特別扭擰啦！場魔術表演其實好好睇，不過Ambrose實在太介意無得出去玩，一味係咁問媽咪點解，再加上實在有太多小朋友太興奮企起身遮住後面嘅人，又或者左迫右迫咁，搞到Ambrose都毛躁起來！
加埋最後嘅大抽獎，一份都抽唔中，Ambrose又狂問點解唔俾禮物佢，媽咪解釋到口水都乾哂，唔知佢明唔明，不過之前預期會玩得好開心，又好似唔係特別開心咁，有點吃力不討好的感覺！
家希又係咁，上星期參加phonics搞既聖誕party,最後環節又係抽獎，一樣抽唔到家希，就扭計又喊又問點解佢無份，唉
回覆刪除