創意畫班@第五十三堂(4y4m)

上兩星期嘅恆常班，轉左比賽班，又因為入醫院請左假，所以再改埋時間同分店上，比賽畫畫起就交，無點影低相keep record，所以寫blog都搞到有少少混亂，開始忘記邊堂打邊堂！

無上兩堂恆常班，今堂再上返，感覺好似好耐無上堂咁，哈哈，可能唔係媽咪帶上堂吧！

Ambrose今堂畫左薑餅人同糖果屋！爹爹媽咪都有少少surprised，點解Ambrose會知咩係薑餅人，我地都無同過佢講！原來係老師教畫畫時同佢講嘅！

幅畫起左稿上左色，仲未油底色，要下堂再續！升左班後，雖然如媽咪所願學用鉛筆起稿至上色，但硬是覺得畫得一般。用鉛筆起稿時線條就細密少少，但到上色時似乎就有點難度，加上起稿時應該係畫完又擦，擦完又畫，所以較多鉛筆痕，當油上粉彩時，呢d筆痕就現哂出黎，望落真係唔多靚。不過媽咪對於畫畫唔多識，其實都唔知咁係正唔正常，或者好唔好，唔知呢個係咪過渡期，而如果係，又會幾耐呢？