事前，對於表演細節著實所知不多，老師只吩咐Ambrose好好練習Jingle Bell，但又沒有提及究竟係個人表演還是樂團表演。不過Ambrose加入樂團只是兩、三堂的事，想來也應該不會叻到可以同其他人一齊合奏吧，雖然第二小提琴手是拉和音這些較易handle的地方，不過就係正正因為係和音，Ambrose自己在家中練習時，拉起來就變得好古怪，歌不成歌的，更加難練。所以媽咪估計，應該是個人表演居多。
表演時間為下午，踏正晏覺時間，好彩今日放假，Ambrose都無咁攰！換好衫出發去集合，一如想像，去到都要等set場rehearsal 等，差不多又等左一個鐘，晏覺時間再加呆等，真係考起爹爹媽咪，唯有不斷俾d零食Ambrose食住先，分散下注意力啦！
一開始表演係樂團表演，見無人叫Ambrose準備，加上之前媽咪的預估，都知無Ambrose份。Ambrose見到其他人合奏，係有點奇怪點解自己不用上去拉琴，幸好媽咪覺得佢只是奇怪，而不是難過，於是同佢解釋，因為佢只係新加入嘅團員，其他人玩左好耐架喇，所以今次表演佢未有份囉！
兒童樂團表演過後，就係個人表演。先是表演小結他，再之後就有好幾個表演鋼琴，繼而小提琴。到Ambrose上台時，爹爹媽咪都緊張不已，畢竟Ambrose未試過於人前表演小提琴，而佢亦唔係百分之百可以拉準哂所有音，爹爹媽咪擔心唔知佢會唔會上台失準，將成首歌拉高或低哂音！現場所見，大部分小朋友年齡看上去都較Ambrose大，有d看來差不多的，都是表演鋼琴，表演小提琴的，似乎Ambrose望落最細。司儀介紹Ambrose上台時，亦都有提及到佢係最細嘅小提琴小學員第一次去表演，聽到之後，媽咪更覺緊張！上了台的Ambrose失情有點呆，可能佢實在太眼瞓，又呆等左好耐，加上媽咪事前都無向佢提過，上左台之後司儀會問佢問題，所以佢個樣看來一臉茫然，不過好彩佢都答哂問題，無話企左响度唔知點算！
表演順利進行，可惜嘅係現場音響一般，唔算清楚大聲，加上Ambrose唔係好識就個小提琴對住枝咪，所以拉出黎都覺細聲左少少，如果大聲d就更perfect了！
爹爹話見到其他較大嘅小學員，比Ambrose學琴較早，不知為何都沒見有表演，所以爹爹媽咪更覺今次嘅表演經驗非常難得！雖然事前Ambrose有話過緊張，但事後問Ambrose表演好玩嗎？佢話好玩，希望下次再有表演！
表演過後，由於附近就係麥當奴，爹爹就讓Ambrose大吃一番，當係嘉許佢嘅大膽表現！
沒有留言:
張貼留言