兒童樂團(4y3m)

Ambrose學小提琴已十個多月，看著他由亂拉一統到現在可看譜拉簡單樂曲，由當初成日叫住佢溫習到現在佢自發練習，真的很開心及感動！

Ambrose一直都是單對單上堂，雖然覺得較集中及有效學習，但就沒有同其他人交流的機會，當有些地方拉得不太好的時候，爹爹媽咪指點Ambrose，佢總唔願聽，堅持自己沒有問題！唔知係咪覺得自己已拉到了歌曲出來，少少錯處並不在意，在媽咪眼中，覺得佢對自己要求不高！

適逄老師招收兒童樂團成員，當中需要小提琴手，正合Ambrose！見收費異常平宜，一堂一小時的收費就只是單對單半小時的三分一價錢，媽咪想俾Ambrose進入樂團，俾佢多d見識其他人點拉琴，有所比較之下佢可能會有所改進！加上樂團合奏亦講求合作，媽咪希望Ambrose除了在音樂學習上有所得著，亦希望佢同人相處方面亦有所得益！

十月，問過老師Ambrose是否適合參加樂團？會否難以應付？老師也沒說甚麼，沒有正面回應可以或不可以。因為加入樂團需經挑選，媽咪以為老師的反應似是回絕了媽咪的要求，所以也沒再問甚麼！

十一月，老師終於向媽咪說，Ambrose要加入樂團問題應不大，不過佢希望睇下Ambrose可唔可以做到某d野先，至於做到d咩野，老師又無再交代，對音樂毫無認識嘅媽咪亦沒有細問老師。

十一月尾，終於確定了可以加入樂團，十二月正式開始返樂團了！樂團嘅時間係星期六下午，其實真係麻麻地，踏到正Ambrose晏覺時間，加上上午已經上左兩個興趣班，真係攰上加攰！慶幸，上左兩堂後，媽咪問Ambrose返樂團開唔開心，佢話好開心，問佢點解，佢話有哥哥姐姐教佢拉小提琴，有好多小朋友一齊拉小提琴好開心！聽到佢咁講，媽咪放心不少！