Ambrose的住院畫作(4y3m)

Ambrose第一次住醫院，由於事出突然，媽咪又無咩經驗，只係帶左入院前興趣班老師送贈的毛公仔陪住 Ambrose。

幸好，原來醫院响小朋友入院時會派發一盒顏色筆，而媽咪手袋中又剛好有一本剛為Ambrose添罝嘅小畫冊，原打算細細的一本放在手袋中，有時同Ambrose外出用膳，於等待中都有d野做，打發時間，所以本小畫冊即時大派用場！


其中呢兩頁媽咪比較impressed，呢兩頁係响媽咪同爹爹去完食野返去就見到佢已經畫好，成張畫紙都畫滿公仔同油左顏色，算係幾靚！不用一晚，Ambrose差不多已經畫滿哂成本畫冊，可能由於畫冊太細本，佢又用鉛子筆係咁畫完唔再上色，所以好快就畫完一頁，哈哈！

第二日，媽咪要出動，買多一叠100張A4紙、較剪、膠紙俾佢畫、剪、貼，唔係d時間都唔知點過，始終無可能成日都係睇電視！