Home Craft Time @玻璃貼 (4y4m)

前幾日同表姐們食飯，佢地買左DIY玻璃貼手工，Ambrose好有興趣想痴埋去玩一份，當然，又俾表姐耍佢，成日都要安排俾咩色佢，又呢樣又果樣，搞到Ambrose都費時玩，油油吓走左去玩其他野！

其實屋企都有DIY玻璃貼手工，只係一直諗住條黑色綑邊線好似好難畫，畫完填色又怕佢搞到d顏色撈埋一pat，所以媽咪都無打算攞出黎俾Ambrose玩！見佢同表姐一齊整果時，又好似其實都handle到，所以今晚就即管摷左出黎俾佢試吓！

結果，原來真係識得畫喇，而且，亦都識得吊高隻手就住黎填顏色！真係唔可以小看而家嘅小朋友呢！油到咁上下，佢仲玩溝色，油完一隻色之後，再加另一隻色上面，話想睇吓乾左之後會變成點樣喎！

後記：玻璃貼乾左之後，Ambrose撕左出黎貼响自己房度，不過可能之前未整過唔係好有經驗，佢油果d可能油得較薄，所以乾左撕出黎時都係好薄，好似隨時都會有撕爛嘅危機咁！而媽咪自己都有整，媽咪整果d，落手重少少，所以比較厚身，撕出黎都易少少！下次再整，都要記住唧顏色時要重手少少至得！